Zohar III:77a

Chapter 61: Zohar III:77a

The Zohar is studied within a tradition that guarded it with great care. Here it is presented in the original Aramaic.

English not available yet

א תאנא, בתר דאסתלקו קין והבל - אתהדר אדם לאנתתיה ואתלבש ברוחא אחרא ואוליד לשת. מכאן אתייחסו דרי דצדיקייא בעלמא, ואסגי קב"ה חסד בעלמא, ובכל חד אתילידת נוקבא עמיה לאתישבא עלמא כגוונא דלעילא. והא אוקמוה חברייא בסתימאה דמתני' דכתיב ואיש אשר יקח את אחותו בת אביו או בת אמו וגו' חסד הוא (ויקרא כ יז) - חסד הוא ודאי. ובתר דשארי חסד - גזעין ושרשין נפקן מתחות לעילא, ואתפרשן ענפין וקריב אתרחק. כדין - ענפא אסגי ואתי לאתחברא בזווגא חד באילנא. האי בקדמיתא! האי בסתימא דעלמא! בגין דכתיב אמרתי עולם חסד יבנה (תהלים פט ג). אבל מכאן ולהלאה - בני נשא דישתכחון ביה - ונכרתו לעיני בני עמם (ויקרא כ יז):

Aramaic: Hebrew Wikisource, "Sefer HaZohar", CC BY-SA 4.0