Zohar III:95b

Chapter 28: Zohar III:95b

The Zohar is studied within a tradition that guarded it with great care. Here it is presented in the original Aramaic.

English not available yet

א א"ר יוסי הני ארבע כסי דההוא ליליא אמאי? א"ר אבא הא אוקמוה חברייא לקביל ד' גאולות. אבל שפיר הוא בספרא דרב ייסא סבא דקאמר הואיל וזווגא קדישא אשתכח בהאי ליליא בכל סטרין. וזווגא הוא בארבע קשרין דאינון ד' דרגין ולא מתפרשי דא מן דא כד זווגא דא אשתכח. ואנן בחדוותא דלהון אתערנא בגין דהא זכינא בהו - דמאן דאחיד בדא זכי בכלא. ועל דא אשתני ליליא דא מכל שאר לילוון, ובעינן למעבד שנוייא בכלא, ולמחדי בהאי ליליא - בגין דחדוותא הוא לעילא ותתא.
ב ועוד אמר דארבע אלין - ארבע גאולות קרינן להו. מאי טעמא? בגין דהאי דרגא בתראה גואל אתקרי - המלאך הגואל. ולא אקרי גואל אלא על ידא דדרגא אחרא עלאה דקיימא עלה ונהיר לה. ודא לא אפיק לה נהורא אלא באלין תרין דרגין דעליה. אשתכח דארבע אלין - ארבע גאולות נינהו.

Aramaic: Hebrew Wikisource, "Sefer HaZohar", CC BY-SA 4.0