Zohar III:126a

Chapter 10: Zohar III:126a

The Zohar is studied within a tradition that guarded it with great care. Here it is presented in the original Aramaic.

English not available yet

א תא חזי! איש כי יפליא לנדור נדר נזיר (במדבר ו ב) - דאקדים בהאי עלמא לאתקדשא בקדושה דמאריה. מִה'ִן וְשֵׁכָר יַזִּיר חֹמֶץ ה'ִן וְחֹמֶץ שֵׁכָר לֹא יִשְׁתֶּה וְכׇל מִשְׁרַת עֲנָבִים לֹא יִשְׁתֶּה וַעֲנָבִים לַחִים וִיבֵשִׁים לֹא יֹאכֵל (במדבר ו ג) הכא אית לאסתכלא! כיון דאסיר ליה חמרא - ענבים למה? דהא בכהני כתיב יין ושכר אל תשת וגו' (ויקרא י ט). יכול ענבים נמי? לא! בענבים שרי! הכא לנזיר מאי טעמא אסר ליה ענבים?
ב אלא עובדא דא ומלה דא רזא עלאה הוא - לאתפרשא מן דינא בכלא! והא ידיעא ההוא אילנא דחב ביה אדם קדמאה - ענבים הוו. ודא הוא רזא דמלה - דהא יין ושכר וענבים בסטרא חד אתאחדו. יין - לעילא. ואוקמוה. שכר - לשמאלא, דהא שכר מיין נפקא. ענבים - דכניש כלהו לגבייהו, ודא הוא אילנא דחב ביה אדם קדמאה. בגין כך - כלא בחד סטרא אתאחד! ואי תימא דהאי נזיר שביק מהימנותא עלאה - לאו הכי! אלא לא אתחזי ביה עובדא מסטר שמאלא כלום.

Aramaic: Hebrew Wikisource, "Sefer HaZohar", CC BY-SA 4.0